【當一個人做好本份都變得稀罕】
之前同麥仔閒話家常時
佢講咗一個幾有趣嘅社會現象：
依家原來只要做好本份就已經係一件事！
例如：有份穩定工作，唔使屋企養，有畀家用等等，
其他姨媽姑姐已經會覺得你係值得表揚嘅好兒子！
然後前排去A1買蛋糕寫「光復香港」時
我就諗其實一間蛋糕店你畀錢佢，佢幫你寫你想寫嘅字
本來就係佢嘅本份，佢無做多畀你㗎，佢做番佢應該做嘅野
但係已經足以被人吹捧成良心企業。
點解？因為呢個社會實在有太多太多人無做好本份
黑警完全無做好自己本份，
所以嗰次天水圍有隻狗有禮貌少少就畀人話白警。
甚至有好多老師校長都無做好保護學生嘅本份
所以一有個講人話嘅教育者出現，頭上就會出現光環。
父母無做好本份，強行扭曲子女價值觀，趕仔女出街
所以肯接納子女不同政見嘅父母就變成世間罕有。
我唔係要貶低「做好本份」呢件事嘅重要性
而係想帶出呢個現象背後，其實反映出呢個社會幾扭曲荒謬
我諗到一個比喻：
喺一間Band 1學校入面，大部分都係做好本份嘅學生
所以你準時番學、交齊功課、考試合格係唔會被讚揚，
相反你無做好呢啲本份時，你就會被標籤成曳學生
但當你去到一間Band 3學校，大部分都係曳學生時
你準時番學、交齊功課、考試合格就會變成好學生！
你做好本份就已經會被讚揚，變成老師眼中嘅乖乖牌。
香港依家就係一間Band 3學校，Band 3城市
因為太多扭曲價值觀，太多指鹿為馬嘅荒謬
太多人身在其位，唔做好應有本份，唔做好自己份工
太多人濫用職權，無視同破壞法治，以權謀私。
所以一個正常人做好本份講番人話，就變得彌足珍貴。
如果都係睇唔明，不如講多個更直接嘅比喻
如果你番大陸跌咗銀包，執到嗰個人幫你拎去警局
而公安又打番畀你，你拎番個銀包入面咩都無少到
你會覺得自己好好彩，係神蹟嗎？我會。
就如番大陸去到個公廁係唔臭，地下無尿我覺得中頭獎
路不拾遺同對準屎塔痾尿都係基本公民責任
但當個社會無人有公民意識時，呢啲就變成人性的光輝。
Anyway我相信只要二百萬人肯繼續堅持，
我哋終會改變到呢種荒謬。
We can make it a better place, for you and for me ;)
*記得要Follow我IG：hkgirlfriend
FB：港女友
Search